2021, Report BA IGUALDADE NO EKONOMIA BUKA-HATENE DIMENSAUN JÉNERU IHA TIMOR-LESTE NIA SETÓR TURIZMU |

Turizmu iha potensiál atu sai setór importante atu dudu kresimentu ekonómiku, kria empregu, no promove inovasaun ba dezenvolvimentu ida ne’ebé sustentável liu. Globalmente, indústria turizmu mak emprega feto barak liu duké mane sira iha mundu, no feto sira reprezenta 60% hosi empregadu sira iha Servisu Akomodasaun no Ai-han iha Timor-Leste. Ida-ne’e mak oferese potensiál ba investimentu iha Turizmu atu kontribui atu taka lakuna jéneru iha empregu iha Timor-Leste no mós atu fornese oportunidade di’ak liu ba emprezáriu feto no lideransa feto nian iha indústria ne’e. Iha tinan 2010 no 2019, Organizasaun Turizmu Mundiál ONU (UNWTO) hala’o ona estudu globál sira kona-ba tendénsia ba feto iha turizmu, iha kolaborasaun ho UN Women, GIZ, Banku Mundiál no Amadeus. Relatóriu sira hetan katak feto sira reprezenta maioria hosi forsa traballu, maibé iha reprezentasaun barak liu iha empregu nivel atendimentu no klerikál, maske reprezenta estimativa 25% de’it iha nivel foti desizaun. Feto sira reprezenta proporsaun aas liu hosi traballadór auto-empregadu iha setór hotu-hotu, maibé iha turizmu, persentajen ne’e hatudu variasaun entre nasaun sira, ne’ebé haklaken hela fató sira-ne’ebé bele kontribui ba ka halimita feto sira-nia empreendedorizmu iha turizmu. Satán, feto sira hala’o servisu laselu barak liu hanesan parte ida hosi negósiu turizmu familiár. Apezarde difikuldade hirak-ne’e,
turizmu sustentável mak hatudu atu fornese oportunidade ba feto sira-nia avansa liuhosi empregu formál no informál no dezenvolvimentu emprezariál.

Organisations: UN Women Authors: