MUDANSA KLIMÁTIKA NO TURIZMU IHA TIMOR-LESTE: TEMPU HALO ASAUN MAK AGORA

APELU BA HALO ASAUN HODI RESPONDE BA DEZAFIU MUDANSA KLIMÁTIKA NE’EBÉ TURIZMU TIMOR-LESTE HASORU DAUDAUN

Seksaun ne’e fó rezumu ida kona-ba relasionamentu kruzadu sira entre turizmu no mudansa klimátika. Nia explora oin sa turizmu kontribui ba mudansa klimátika no sa ida mak bele halo atu diminui impaktu More… negativu sira ba meiu-ambiente liu husi adaptasaun no mitigasaun. Nune’e mos, nia realsa kona-ba ezemplu prátika di’ak sira no inisiativa global sira ne’ebé bele fó inspirasaun no orientasaun ba Timor-Leste bainhira nia embarka iha ni-nia viajen ba redusaun mudansa klimátika.
Viajen aéreu asesível, konetividade bo’ot liu, avansu teknolójiku foun sira, modelu negósiu foun sira no fasilitasaun vistu boot liu iha mundu tomak tulun dezenvolve ona kresimentu kontinu turizmu internasional no rai-laran iha dékada sira liu ba. Xegada Turista internasionál aumenta ona husi 770 milloens iha 2005 ba 1.2 billoens iha 2016 no prevé ona atu alkansa 1.8 billoens iha 2030. Xegada turista rai-laran aumenta dalarua husi 4 billoens iha 2005 ba 8 billoens iha 2016 no prevé ona atu alkansa 15.6 billoens iha 2030. Ohinloron, turizmu mak setor ida husi setor ekonómiku
importante liu sira ne’ebé dudu kresimentu no dezenvolvimentu.
Nia reprezenta 10% PIB global no 10% empregu globál no prevé ona atu kontinua buras nafatin. Maske evolusaun ne’e oferese oportunidade barak, nia mos mai ho responsabilidade bo’ot, liu-liu kona-ba impaktu ambientál no mudansa klimátika.

Year: 2022
Organisation/s: United States Agency for International Development
Language: Tetun


Download